Naglalaro tayo, ikaw at ako
Ikaw ang taya, nagtatago ako.
Hinahanap mo ako,
Pero lumalabas rin ako.

Ganoon nga noong simula,
Pero ngayon ay nagbago,
Nagbago na ang ating laro.
Ikaw pa rin ang taya, nagtatago ako.
Hinahanap mo ako,
Hinahanap mo ako.

Hinahanap mo nga ba ako?
Bakit hindi mo ako makita?
Bakit hindi mo makita ang kinalalagyan ko?

Naglalaro pa rin tayo, ikaw at ako
Ikaw ang taya, nagtatago ako.
Hinahanap mo ako,
Sana nga, makita mo na ako.